Michigan

Deelstaat Michigan
Vlag van Michigan Seël
Bynaam(e): The Wolverine State, The Great Lakes State
Amptelike taal(e)	Geen (Engels de facto)
Hoofstad	Lansing
Grootste stad	Detroit
Area	8ste in die V.S.
- Totaal	250 493 km2
- Wydte	385 km
- Lengte	790 km
- Water	103 687 km2
- % water	41.3 %
- Breedtegraad	41° 42′ N tot 48° 16′ N
- Lengtegraad	82° 25′ W tot 90° 25′ W
Bevolking	10de in die V.S.
- Totaal	16,590,172
- Digtheid	67,1/km2 17de in die V.S.
Hoogte
- Hoogste punt	Mount Arvon 603 m
- Gemiddeld	275 m
- Laagste punt	Eriemeer 174 m
Toetrede tot die Unie	26 Januarie 1837 (26ste)
Goewerneur	Gretchen Whitmer (D)
Luitenant-Goewerneur	Garlin Gilchrist (D)
Wetgewer	Michigan Wetgewer
- Hoërhuis	Senaat
- Laerhuis	Huis van Verteenwoordigers
V.S. Senatore	Debbie Stabenow (D) Gary Peters (D)
Tydsone	UTC -6/-5 / Somertyd -5/-4
Afkortings	MI US-MI
Webblad	www.michigan.gov

Michigan (Engels: State of Michigan) is 'n deelstaat van die Verenigde State van Amerika. Dit bestaan uit twee skiereilande: Die Opper-Skiereiland (Engels: Upper Peninsula of UP) en die Neder-Skiereiland (Engels: Lower Peninsula).

Die Opper-Skiereiland word in die noorde deur die Bowemeer, in die suide deur die Michiganmeer, en in die weste deur die deelstaat Wisconsin begrens. Neder-Skiereiland word in die ooste deur die Huronmeer, Kanada (Ontario), die Saint Clairmeer en die Eriemeer, in die suide deur Ohio en Indiana, en in die weste deur die Michiganmeer begrens. Die Straat van Mackinac lê tussen Opper- en Neder-Skiereiland.

Lansing is die hoofstad en die grootste stad is Detroit. Michigan het 'n bevolking van omtrent 9,9 miljoen en 'n oppervlakte van 253 793 vierkante kilometer. Dit is die 26ste deelstaat wat tot die Unie toegelaat is.

Michigan se byname is The Great Lakes State, The Wolverine (veelvraat) State, The Automotive State, en Water-Winter Wonderland. Die naam Michigan kom van die Ojibwe woord mishigami, wat 'groot water' of 'groot meer' beteken.